Maşın yağının dəyişdirilməsi: nə zaman və necə edilməlidir?

Avtomobil mühərrikinin uzunömürlü və problemsiz işləməsi birbaşa mühərrik yağının vəziyyətindən asılıdır. Bir çox sürücülər maşın yağının dəyişdirilməsini yalnız kilometrajla əlaqələndirsə də, əslində bu prosesə təsir edən bir çox amil mövcuddur. Atlantic mühərrik yağları komandası olaraq bu yazıda maşın yağının nə zaman dəyişdirilməli olduğunu, necə düzgün dəyişdirildiyini və yağ dəyişməsində edilən əsas səhvləri ətraflı şəkildə izah edəcəyik.

Maşın yağı nə üçün bu qədər vacibdir?

Mühərrik yağı avtomobilin “qanı” hesab olunur. O, mühərrikin daxili hissələrini yağlayır, sürtünməni azaldır, temperaturu tənzimləyir və çirkləri özündə toplayaraq mühərriki qoruyur. Vaxtında dəyişdirilməyən yağ mühərrikin aşınmasına, güc itkisinə və ciddi nasazlıqlara səbəb ola bilər. Atlantic mator yağları beynəlxalq sertifikatlı bir məhsul kimi sizi bu risklərdən qoruyur. 

Maşın yağı nə zaman dəyişdirilməlidir?

Hər bir avtomobil istehsalçısı mühərrik üçün tövsiyə olunan yağdəyişmə intervalını texniki kitabçada qeyd edir. Adətən bu interval:

5 000 – 7 000 km (mineral yağlar üçün)

7 000 – 10 000 km (yarımsintetik yağlar üçün)

10 000 – 15 000 km (tam sintetik yağlar üçün) olur.

Lakin bu göstəricilər ideal şərait üçün nəzərdə tutulub.

İstismar şəraiti yağ dəyişmə vaxtına necə təsir edir?

Aşağıdakı hallarda yağ daha tez dəyişdirilməlidir:

Şəhər daxilində tez-tez tıxacda sürüş.

Qısa məsafələrdə avtomobilin istifadəsi.

Yük daşıyan və ya kommersiya avtomobilləri bu cür şəraitdə yağ daha tez çirklənir və öz funksiyasını itirir.

Zamana görə yağ dəyişmək lazımdırmı?

Bəli. Avtomobil az sürülsə belə, mühərrik yağı ildə minimum 1 dəfə dəyişdirilməlidir. Çünki zamanla yağın kimyəvi tərkibi pozulur və qoruyucu xüsusiyyətlərini itirir.

Maşın yağının dəyişdirilməli olduğunu göstərən əlamətlər

Mühərrik səsinin artması.

Yağ öz viskozluğunu itirdikdə mühərrik hissələri bir-birinə daha çox sürtünür və səs artır.

Yağın rənginin tündləşməsi.

Yağ qara və ya çox tünd rəng alıbsa, bu onun artıq çirk topladığını göstərir.

Yağ təzyiqi lampasının yanması.

Paneldə yağ işığının yanması yağ səviyyəsinin və ya təzyiqinin aşağı olduğunu göstərə bilər.

Yanacaq sərfiyyatının artması.

Köhnə yağ mühərrikin effektiv işləməsinə mane olur və yanacaq sərfiyyatını artırır. Atlantic mühərrik yağlarında isə bütün bu hallar baş vermir. 

Maşın yağı necə düzgün dəyişdirilməlidir?

Yağ seçərkən aşağıdakılara diqqət edin:

Avtomobilin istehsalçı tövsiyələri.

Viskozluq dərəcəsi (məsələn: Atlanticoil sintetik yağı 5W-30, Atlantic oil yarımsintetik yağı 10W-40)

Yağın standartları (API, ACEA və s.)

Yanlış yağ seçimi mühərrikə ciddi zərər verə bilər.

Yağ filtri mütləq dəyişdirilməlidir.

Sadəcə yağı dəyişmək kifayət deyil. Köhnə filtr yeni yağı qısa müddətdə çirkləndirəcək. Buna görə hər yağ dəyişməsində filtr də yenilənməlidir.

Yağın tam boşaldılması vacibdir.

Köhnə yağın tam boşaldılması üçün mühərrik bir qədər isti olmalıdır. Bu, yağın daha rahat axmasını təmin edir.

Yağ səviyyəsinin düzgün yoxlanması.

Yağ əlavə edildikdən sonra:

Avtomobil düz səthdə saxlanılmalı

Ölçü çubuğu ilə səviyyə yoxlanılmalıdır. Nə az, nə də normadan artıq yağ tökülməlidir.

Maşın yağının dəyişdirilməsində edilən əsas səhvlər.

Keyfiyyətsiz yağ qısa müddətdə öz xüsusiyyətlərini itirir və mühərriki qorumur.

Yağ dəyişmə intervalını uzatmaq

“Bir az da gedər” düşüncəsi mühərrikin ömrünü ciddi şəkildə azaldır.

Filtri dəyişməmək

Bu, ən çox edilən və ən təhlükəli səhvlərdən biridir. 

Atlantic mator yağları bütün beynəlxalq keyfiyyət standartlarına cavab veriri və beynəlxalq sertifikatlara malikdir. Atlanticoil qoruyur.